Föndur fyrir jólin!

Hún Ásthildur vinkona mín frá unglings-árunum fyrir vestan skrifar að vanda um þarft málefni, það eru jólagjafirnar sem við getum búið til sjálf með litlum tilkostnaði.Hér kemur hugmynd sem gleður örugglega ennþá eins og það gladdi okkur Grundarsystur þegar mamma okkar föndraði það fyrir okkur þegar við vorum að alast upp í Súðavík ,öruggar og sælar í fallega þorpinu okkar.Það er sófasett ,kommóða og snyrtiborð búið til úr eldspýtustokkum og klætt með fallegu efni eða bréfi í fallegum lit.Er þetta ekki tilvalið ,,sprotaverkefni" núna í kreppunni.Hvað finnst ykkur?

Athugasemdir

[Sólveig Hannesdóttir, 5.11.2008 kl. 13:50]

Tek undir þetta, fyrir þá sem hafa tíma, sumir hafa meiri tíma en aðrir, það er verst hvað dýrir allir hlutir sem þarf í handavinnu.

[Laufey B Waage, 10.11.2008 kl. 10:25]

Ég bjó til flest mín Barbie-húsgögn úr eldspítustokkum. Mamma og pabbi reyktu bæði, svo það féll nóg til af tómum stokkum.