AÐ VERA ÁNÆGÐUR!

22.2.2008 | 14:14

Eins og ég het skrifað hér áður þá dvel ég á Heilsustofnun NLFÍ í Hveragerði og verð til 8.marz,hér líður mér vel ,enda margt í boði til að bæta líðan okkar.

Á fimmtudagskvöldum er alltaf eitthvað um að vera ,síðan ég kom er búið að vera til skiptins bingó eða spilavist og hvorugu tek ég þátt í (vanþakklát kona). Nei ég hafði mjög gaman af allri spilamennsku sem barn og unglingur heima í Súðavík, en líklegast hef ég spilað yfir mig ,því ekki var fjölbreyttni fyrir að fara í afþreyingu á þessum árum, en ,,bingó" hef ég aldrei spilað.

Svo ég ákvað að nú skYldi vera ,,skemmtikvöld" og er skemmst frá því að segja að það tókst með ágjætum, og það segji ég með vissu ,því margir hafa komið til mín og sýnt mér þakklæti.

Ég fékk Hörð Bragason tónlistamann til að stjórna fjöldasöng, og gerði hann það með snilld eins og honum einum er lagið, við völdum í sameiningu nokkur hressileg lög og fékk ég þau prenntuð á blað svo allir gætu tekið undir og að sjálfssögðu sungum við ,,Grænmetislagið" úr Dýrunum í Hálsaskógi.

Og ekki má gleyma þeim Brynju og Þórunni sem fóru á kostum með spurningaþátt sinn og gátur. Hafi allt þetta fólk bestu þakkir fyrir aðstoðina.

Það er ekki spurning að svona uppákomur færa fólk nær hvort öðru, allavegana eru margir búnir að gefa sig á tal við mig síðan sem ekki höfðu gert það áður og sýndi það þakklæti sitt fyrir framtakið. við erum jú öll hér í sama tilgangi að láta okkur líða betur og njóta þess sem í boði er hér,þökk sé Heilsustofnun NLFÍ.

Flokkur: Dægurmál | Breytt s.d. kl. 16:10 | Facebook